BREAKING NEWS៖ អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា ទទួលការលើកលែងទោសចុងក្រោយពីព្រះមហាក្សត្រ
ថៃ៖ អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា ត្រូវបានដាក់បញ្ចូលឈ្មោះនៅក្នុងបញ្ជីទទួលបានការលើកលែងទោសពីព្រះមហាក្សត្រ ខណៈលោកនឹងត្រូវបានទទួលការលើកលែងឱ្យរួចផុតពីទោសទាំងអស់នៅថ្ងៃទី១៨ ខែសីហាស្អែកនេះ។
ដំបូងឡើង លោក ថាក់ស៊ីន នឹងត្រូវទទួលបានការអនុវត្តទោសចប់សព្វគ្រប់នៅដំណាច់ខែសីហានេះ ក៏ប៉ុន្តែលោកត្រូវបានដាក់បញ្ចូលទៅក្នុងបញ្ជីឈ្មោះអ្នកដែលត្រូវបានទទួលការលើកលែងទោសជាទូទៅ ក្នុងឱកាសអបអរសាទរពិធីបុណ្យចម្រើនព្រះជន្មព្រះមហាក្សត្រដែលធ្វើឡើងកាលពីខែមុននេះ។
គួរឱ្យដឹងថា លោក ថាក់ស៊ីន បានវិលត្រឡប់មកកាន់ប្រទេសថៃវិញកាលពីឆ្នាំ២០២៣ ក្រោយនិរទេសខ្លួនអស់ជាង ១៥ឆ្នាំ។ លោកត្រូវវបានតុលាការផ្តន្ទាទោសពីបទរំលោភអំណាច និងទំនាស់ផលប្រយោជន៍ និងសម្រេចឱ្យជាប់ពន្ធនាគាររយៈពេល ៨ឆ្នាំ ក្រោយមកបានត្រូវបានបន្ថយទោសមកនៅត្រឹម ១ឆ្នាំពីសំណាក់ព្រះមហាក្សត្រ៕
ព័ត៌មានជាច្រើនទៀតសម្រាប់អ្នក
